ღ ..قـــــــــطـــــــــر..ღ

(تعرف مين أنا )
أناالحبـيب اللي حبيـبه (تناسـاه)
صابر على الأحزان مثل( الأصايل)
أناحكايـه طولهـا ألـف ( مأساه)
تسخر من الأحزان رغم(الهوايل)
أنا الوحيـد اللـي زمانـه (تحـداه)
فاقد عزيـز وحيلـته (بالرسايل)




ليتك وهم .. وأعاملك مثل الأوهــام
وليتك زعل وأموت أنا ما رضيتــــــه
أمعاهدك باللي ضمن رزق الأيتـــــام
لا أعطيك .. كل اللي بعمرك رجيتــــه
حتى خفوق راحت ضلوعه أقســــــام
إخذه .. أن كانــــك في محله لقيتـــــه


شتقت لك وقت مضى وارجع أشتـــاق
وأقول معقوله حبيبي جفــــــــاني
أسهر بليلي وانتظر وقت الإشــراق
لا مرني طيفك حبيبي خـــذانـــي
ما هي غربية لا نويتي على فــــراق
لا صار قلبك يشغله حب ثانـــــــي



منك العذاب وصادق الـــــود منـــــي
وفيك الدلال وفيني أشواق وجـــــــروح
إن غبت أهوجس بك عزاي التمنــــي
وباب الحزن لمعانق القلب مفتـــــــوح
دايم تبيني في هـــــواك متعنــــــي
وأنا ادري اني عندك أغلى من الروح


رغم المسافة وإبتعادك عن الشـــــوف
الشوق يرسم لي ملامح عيونــــــك
أموت لك مليون مره من الخـــــوف
يا واحد عيت حياتك تخونـــــــــــك
يا كيف أخونك وأنت مولود بالجـوف
وبين الحنايا منك نور يصونــــــــك



في غيبتك غابت عيوني عن النوم
وين أنت ياللي مبتعد عننظرها
عزالله إني صرت تايه ومجنون
ماعاد أميز يومها من شهرها
إن جيت أسلي خاطري عنك وأشوم
صرت النظروالعين تتبع نظرها



أموت بنظرتك وأعشق سكون الحرف بشفاتك
أبي أصبر على بعدك ولكن كل شي ضدي
ولا أقدر على بعدك ،، خلاص بشوفتك ودي
حبيبي كانك المخطي،، حضنت بروحي زلاتك
إذا عندك عذر مقنع،، أنا هاللحظة ما عندي
سوى حب ملا صدري،،يفوق الحب فيذاتك



احبك
لا تحسب كلمتي زلة لسان
الغلا ما يحتمل شك ويقين
اللسان بساعة الشدة حصان
والخجل ما يبعده مسح الجبين
معك ينساب الحكي حب و حنان
وكل شدة باس قدامك تلين
مابقى للصمت في صدري مكان
إيه *أحبك* قلتها والله يعين



طعم الحياة بغيبتك صعب ينطاق
والنوم بعدك ما تذوقه عيوني
أشتاق في بعدك وفي قربك اشتاق
حبك جنوني وأنت كلك جنوني
يامعرض روحي على جمر الأشواق
لارحت عني كيف حالة عيوني ؟



صوتك يداوي علة القلب و الروح
أرجوك لا تقطع دوى الروح عني
أموت أنا بصوتن جمع جد و مزوح
لامن سمعته قمت أرحب و أغني
فديت من خلا حياتي لها روح
فديت من حبه غزاني و فتني


خذني معك لا تخلين و حيـــــد
تبري جروح في حشايا عميقـــه
خايف من الزمان ياخذك عني بعيد
تنسى هوى روح بودك غريقــه
خذني معك وين ماودك تريــــد
مسأل أنا وشي نهاية طريقــه
مقوى الجفا لو كان قلبي من حديـد
فرقا عشير بالملا من يطيقـــــه


الحب في دنيا المحبين أســرار
وحبك بقلبي فاضحنه عيوني
هرجي كله صار مواويل و أشعار
ماهو بكيفي صار حبك جنوني
ياسكن بقلبي ولك ألف مقــدار
تعال وخفف لوعت الشوق ياعيوني


سبحان من صور حبيبي على الكيــف
واختار له صورة تليق بمقامـــــــه
صحيح لو قالوا عجيب التواصيــف
في مشيته في ضحكته في كلامــــه
إذا هرج لك ما تمل الســواليــــف
وليا إبتسم يازين ذيك الإبتسامـــه


جمر الهوى لو ما طفيته حرقني
وجمر الغلالوما شعلته تألمت
أشتاق لك مادام ربي خلقني
أبيك تفهمني ولو ماتكلمت
أقسم بعزة من خلقك و خلقني
(لومانت غالي ما تعنيت و ارسلت)


أسألك بالله همك و تفكيرك
والهاجس اللي خذاك بعيد عن عيني
قلها بصراحة ولاتكثر معاذيرك
هاجسك في غلطتك وإلا بعد فيني
ما تدري إني رغم شوفي لتقصيرك
أمشي معاك وين ماحبك موديني


خذني جريح شعور يعشق و صالك...
ينزف جروح العشق وأيامه شهود ...
خذني غريق أحلام عانق خيالك ...
يرجي سحاب ايديك والشوق موجود ..
خذني بقايا إنسان كلي حلالك
واسكن عروق القلب والعشق موجود.



تعال لك بالقلب حشمة و مقدار
بعيوني وقلبي وروحي رضيتك
تعال لا تذبح فؤادي بالأعذار
تعال ياحب بروحي فديتك
اقبل على قلب يحبك و محتار
حبك على كل الملا و اشتريتك
قلب حفظلك داخله كل الأسرار
حبك وسرك داخله ما نسيتك.




اجمع أحزانك وهمك و العذاب
وهلها في وسط صدري هلها
لا تخاف من الملامة و العتاب
دام أنا راضي سيوفك سلها
فدوتك روح ٍ رضت بالاغتراب
تتجه للموت لو أشرتي لها
ماشي بشورك ولو شورك عذاب
لعن ابو روح ٍ تعاند خلها.؟




اترك جمالك ياحبيبي على جنب
غير الحلا يعجبني بزود طيبك
كلك على بعضك تجنن وتنحب
حظي كبير اللي جعلني حبيبك
إن كان حبي بنظر بعضهم ذنب
يامرحبا والله بذنب يجيبك
ماقول غير الله يخليك يارب
ويعمي عيون من حسدها تصيبك



امانه اذا سالوك الناس عني..
قول رحمة الله عليه..
حبيبي هذي لك وصيه مني.
قول لهم الله بيجازيه..
حبني ومن زود حبه كرهني.
قول انا غدرت فيه..
واهوكان صادق ولا يظلمني..
قول للناس :
حبني وانا اللي خنت فيه..



ناظرتني بطرفها الساهي
وقالت:لوتفارقني أموت!!
وافترقنا لا رسايل ولاصوت
وكنت أسأل دايم أسأل:
يا ترى وش صار فيها؟
قالوامبسوطة)ماعليها
صارت أجمــل!
وابتسمت..
وقلت: هذا اللي أبيه
بس كيف أناصدقت
يوم قالت لي بموت!؟



نفسي أقول:
إني حزيـن
إني سجيـن
~لكل ذكرى لك معي~
وأبغى أقول:
إني أنــا
أشكي العنا
~وأقول للذكرى ارجعي~
وأرجع أقول:
ليت الهوى
يجمع سـوى
~أهل القلوب اللي تعي~
ونسيت أقول:
من الفراق
الصدر ضـاق
~والعين هلت مدمعي~


اختلفنا في وجهة نظر..
ليه ياخلي الزعل!؟
الحبايب تختلف..
وماهي تالية العمر.!
ليه ياخلي الجفا!؟
الكلام أخذ وعطا..
ليه ياخلي القطيعة!؟
ومن شراك أنت تبيعه..



جيت أبنساك
من بعد الفراق
نازعتني فيك الأشواق
حاولت أنساك
لقيت نفسي
أشتاق و أشتاق!!
حاولت و اشتقت!!
حاولت و اشتقت!!
حاولت و نسيت!!
~~~أنا فعلا نسيت~~~
نسيت أهلي
نسيت نفسي
لكن
نسيـ(أنساك)ــت..





عندما تتكلم العيون
ويتوقف اللسان
عندما تسبق الدموع الكلمات
بل تعجز الكلمات عن التعبير
فأعلم أن لحظات الوداع لا تطاق
وتصبح الكتابة أقل مرارة من الكلام
وصبرنا في كلمة واحدة
إلى اللقاء




بودعكم انا اليوم وداع بشوق نلقاكم..
ولاتجوني بعتب أو لوم انا مااخترت فرقاكم..
انا برضى بهالمقسوم ولكن والله منساكم..
بودعكم وانا ملزوم فمان الله يرعاكم



ابتعد في صمت وارحل في هدوء
واترك جروحي تنام و تلتئم..
وان حصل عني العواذل و انشدوا
قل لهم خان المبادىء و القيم..
سمني غدار او سمني عدو
وانت سمي نفسك ب"سيد الشيم"
اترك احزاني و ارحل
يمكن جروحي تطيب و تلتئم..



ماطعن قلبي سيوف
وماذبح جوفي رماح
ماذبحني غير واحد
خذ قلبي وراح ..




ظروف الدنيا تاخذني
وخلتني غصب اجفاك
ولكن لو يطول الوقت
ابد ياعمري ماانساك...




فديتك بكل غالي و حبيت
وعطيتك ما املك و كفيت
وآخرتها تهجر وتقول مليت




لو زاد نزف جروحي ابيك انت "تداويها"
ولو احتاجت العطف روحي ابيك انت " تعطيها "
ولو تجتمع كل الناس حولي مااحس بالدنيا ولا غيرك بعيني "يحليها "
وأشواقي ااااه 00000ااااه من اشواااقي
وغير شوفتك "مايطفيها "




أبي حبك
أبي قربك
أبي أصبح "نبض قلبك "
أبي زينك
أبي شينك
أبي صدك
أبي وصلك
أبي أصبح "فرح عمرك "
أبي حكيك
أبي صمتك
أبي أصبح "معك ووقتك "
أبي همسك
أبي لمسك
أبي أصبح " دفا شمسك "

أحـــــــــــبــــــــــــــــــك




"الحب "
يضحكنا
يبكينا
يسعدنا
يشقينا
ومن ذاق الهوى ماتاب
ولاينفع ملام و عتاب
صحيح ان الهوى غلاب
ومن حب الهوى مره
يظل مرهووون تحت امره
على حلوه
على مره
على برده
على جمره


تبي تعرف مين انا ؟!!!
انا الغلا
واكثر من النفس مغليك
انا الوفا
رغم الجفا جيت شاريك
انا السهر
لانمت عيني تراعيك
وانا الذي لاضاق صدرك يسليك
ابختصرها واعترف 00جيت هاويك
انا غرامك بس في صوررة انسااان مغلـــيـــك




جمله بسيطه
ضيف عليها احساسك
وزينها بكلمة "حب "
وارسلها على حسابك




لاتلمس الجرح خل الجرح و أسبابه..
الله يخليك مافيني مكفيني..
حتى حبيبي زمان الحب ماجابه..
كان آخر انسان متصور انه يخليني..
يكفي انه ترك لي شي اشقابه..
دفتر قصيد وقلم م سجون بيديني